کون کہتا ہے ؟ شرارت سے تمھیں دیکھتے ہیں
ھم تو جان من محبت سے تمھیں دیکھتے ہیں
تم کو معلوم نہیں ۔۔؟؟؟ ۔ تم ھو مقدس کتنے
دیکھتے ہیں تو عقیدت سے تمھیں دیکھتے ہیں
دیکھ کے تم کو کسی اور کی یاد آتی ہے
ھم کسی اور ہی نسبت سے تمھیں دیکھتے ہیں
ساتھ غیروں کے نظر آؤ تو جی کڑھتا ہے
کیا کہیں ؟؟ کیسی اذیت سے تمھیں دیکھتے ہیں
جھونکنی پڑتی ہے یہ جان عذابوں میں ہمیں
کون کہتا ہے سہولت سے تمھیں دیکھتے ہیں
جانے کیا لکھتے ھو ؟ کیا سوچتے رہتے ھو وصی
رات کو جب بھی کبھی چھت سے تمھیں دیکھتے ہیں
وصی شاہ